კონფიდენციალურობის პოლიტიკა
ბოლო განახლება: 26 აგვისტო, 2026
ეს დოკუმენტი ხსნის, რა მონაცემებს ვაგროვებთ vinex.ge-ზე, რატომ და რას ვაკეთებთ მათთან. ვცდილობთ, დაწერილი იყოს გასაგებად და შეესაბამებოდეს იმას, რასაც საიტი რეალურად აკეთებს.
ვინ ვართ
საიტს vinex.ge ოპერირებს Vinex. კონფიდენციალურობასთან დაკავშირებული ნებისმიერი კითხვისთვის მოგვწერეთ: info@vinex.ge.
რა მონაცემებს ვაგროვებთ
VIN კოდის შემოწმებისას
როცა შეიყვანთ VIN კოდს, ჩვენ ვიგზავნით მას გარე მონაცემთა წყაროებთან (მათ შორის NHTSA-სთან და აუქციონის ისტორიის პროვაიდერებთან) და შედეგს ვინახავთ ჩვენს ბაზაში ქეშად, რომ იგივე კოდის ხელახლა შემოწმება სწრაფი იყოს. VIN კოდი ავტომობილს ეხება, არა თქვენ პირადად — მას თქვენს ვინაობას არ ვუკავშირებთ.
ანგარიშის შექმნისას
Vinex Auto-ზე განცხადების განსათავსებლად საჭიროა ავტორიზაცია. ამ დროს ვინახავთ:
- ელფოსტის მისამართს;
- სახელს და პროფილის ფოტოს — თუ შემოხვალთ Google-ით ან Facebook-ით;
- ტელეფონის ნომერს და ქალაქს — მხოლოდ თუ თავად მიუთითებთ.
პაროლს არ ვინახავთ. ელფოსტით შესვლისას ერთჯერად კოდს ვაგზავნით და ბაზაში მხოლოდ მისი კრიპტოგრაფიული ჰეში ინახება, თავად კოდი — არასდროს.
Google-ით ან Facebook-ით შესვლისას
ვიღებთ მხოლოდ საბაზისო პროფილს: სახელს, ელფოსტას და პროფილის სურათს. თქვენს კონტაქტებზე, პოსტებზე, ფაილებზე ან სხვა მონაცემებზე წვდომას არ ვითხოვთ და არ გვაქვს.
განცხადების განთავსებისას
ვინახავთ იმას, რასაც თავად შეიყვანთ: ავტომობილის მონაცემებს, ფასს, ტრანსპორტირების ინფორმაციას, აღწერას, ფოტოებს და საკონტაქტო ტელეფონს. ეს ინფორმაცია გამოქვეყნების შემდეგ საჯაროდ ჩანს — ტელეფონის ნომრის ჩათვლით, რადგან სწორედ ამით დაგიკავშირდებიან მყიდველები.
ატვირთულ ფოტოებს ავტომატურად ვასუფთავებთ მეტამონაცემებისგან (EXIF), მათ შორის GPS კოორდინატებისგან, სანამ საიტზე გამოჩნდება.
ტექნიკური მონაცემები
ვებ-სერვერი ინახავს სტანდარტულ ჟურნალს: IP მისამართს, ბრაუზერის ტიპს, მოთხოვნის დროს. ბოროტად გამოყენებისგან დასაცავად IP მისამართს ვინახავთ ჰეშირებული სახით, არა ღიად.
Cookie-ები
- სესიის cookie — რომ შესვლის შემდეგ ავტორიზებული დარჩეთ.
- CSRF cookie — ფორმების უსაფრთხოებისთვის.
- ენის არჩევანი — რომ საიტი თქვენს ენაზე გაიხსნას.
- Google Analytics — ვიზიტების საერთო სტატისტიკისთვის.
„რჩეული" ავტომობილები თქვენს ბრაუზერში ინახება (localStorage) და ჩვენს სერვერზე არ იგზავნება, სანამ ანგარიშზე არ დააკავშირებთ.
ვის ვუზიარებთ
მონაცემებს არ ვყიდით. ვუზიარებთ მხოლოდ იმ სერვისებს, რომლებიც საიტს ამუშავებენ:
- Google Analytics — ვიზიტების სტატისტიკა;
- Brevo — ელფოსტის გაგზავნა (დადასტურების კოდები, შეტყობინებები);
- VIN მონაცემების პროვაიდერები — NHTSA და აუქციონის ისტორიის წყაროები;
- Google / Facebook — მხოლოდ თუ ამ გზით შემოხვალთ;
- TOP.GE — ვიზიტორების მრიცხველი.
ასევე შეიძლება გავამჟღავნოთ ინფორმაცია, თუ ამას კანონი ან სასამართლო მოითხოვს.
რამდენ ხანს ვინახავთ
- ერთჯერადი კოდები — 10 წუთი;
- სესიები — 30 დღე;
- განცხადებები და ფოტოები — სანამ თავად არ წაშლით ან ანგარიშს არ დახურავთ;
- VIN ქეში — განახლდება პერიოდულად და ავტომობილს ეხება, არა მომხმარებელს.
თქვენი უფლებები
შეგიძლიათ ნებისმიერ დროს ნახოთ, შეასწოროთ ან წაშალოთ თქვენი განცხადებები პირად სივრცეში. ანგარიშის და მასთან დაკავშირებული ყველა მონაცემის სრული წაშლისთვის მოგვწერეთ info@vinex.ge — წავშლით გონივრულ ვადაში.
უსაფრთხოება
საიტი მუშაობს HTTPS-ზე. პაროლებს არ ვინახავთ; სესიის ტოკენები და ერთჯერადი კოდები ბაზაში მხოლოდ ჰეშირებულია. ატვირთული ფაილები ხელახლა კოდირდება, რაც გამორიცხავს მავნე ფაილის ატვირთვას.
ბავშვები
საიტი არ არის განკუთვნილი 16 წლამდე პირებისთვის.
ცვლილებები
ამ დოკუმენტის განახლებისას შევცვლით თარიღს გვერდის თავში. მნიშვნელოვანი ცვლილების შემთხვევაში შეგატყობინებთ ელფოსტით.